Ki Aleem Abdul Hannan Bin Faisal Tago (28-Apr-09)

Miyaphanon o mga Bangsa tano sa Ranao a miyaka batiya ko PADOMAN a gii makathitayan sa giyangka iya turogan tano a mapapadalem sa maranao.com a kasompatan so mga bandinganon a gii tano mapamagosay. 

Paganairon na phanalamatan tano so mga pagari tano sa Federation of Maranao Associations in Saudi (FEMAS) ko kiya paka adeniran sa website a iningaranan iran sa MARANAO.COM, sa miyapaka khakaraniya iran so khakawatana na aya mala na kiya tokawanon so Bangsa Ranao sa pimbara-barangan aya a inged sa donya.

Iphanalao aken ko ompongan a FEMAS so pamangeni na araparap sa pagomanomanan o Allah so kasibisibihan iran sa donya sabap sa miya pasad iranaya a titho a mala i rarad ago mabelang i randiyar a kapenggonaan o mga Bangsa iran a maka popoon sa dowa Ranao aya mala na so matatago sa piyaginge-dingedan aya sa donya sa igira a miyaranon siran sa inged na pekhibolong iran ko ginawa agoso ranon iranon.

Kataya a miya kilang reketano peman sa bontal a kambago-bago, phirma-remaan, phiphiya piyaan sa peka onot ko kaphagozor na kaphagizeg o masa ka aden maka oonot ko kapekha giling giling o masa na kalokalo na diyon dodokoten so tumitikayron ago so diyon gii mamisita.

Aya mala a phanalamatan tano na so komikiber ago tatandingan ko darpa manangga-olo ko Secretary General sa FEMAS a kapapantagan pen a Vice Chairman sii sa Board of Trustee ko opakat a mala a iningaranan sa Integrated Mindanao Economic Forum (IMEF) a so pagari aken a mala i sambatan ko kaphaginged a daa salakaw a rowar ki Datu Sleh Ampaso Bucay ko panamariyan, galebek iyan goso tamokiyan a ibebegay niyan sa gii niyan kapamagomani sa kapiya a giyang ka iya MARANAO.COM. Katii a miya kilang reketano sa ropaan a kambago bago ago kapaka ozor.

Inosar iyanon so mala a orasiyan so tamokiyan ko tenday a 14 ragon a kiya adna ko darpa sa mini sabapon a kiya langkap sa donya o ingaran o Meranao na miya paka khakaraniya iyan so bangsa Meranao a khakawa tana, aya kalaanon na so mga pagari tano a makaliliyo sa Pilimpinas sabap ko gii kapangilay sa kaoyagan.

Aya mala a kaphanalamatan tano na so kaka tano a kiyasabapan sa kiya adena ko ompongan a FEMAS a miya onga niyan a giyangka iya pangingilayan, darpa a giiron mapangenal so bangsa a Meranao, daa salakaw a rowar ki Dr. Alex Lucman a goso familya niyan ko kiya osara iran ko tamok iran ko tunday a katatago iran sa Riyadh para sa paza aya a pkha ilay tano.  Datar oto a ditano kalilipatan so mga inenpeda iran ko opakat a goso miyanga oona a mga nakuda ko opakat.

Datar oto a phanalamatan ami so mga Bangsa mi, mga datu ago mga bae a miya maka surat a phoon ko pimbarang a inged sa donya sa kiya ba tiya a iran ko PADOMAN. Datar o mga Bangsami a san matatago sa Europe sa Paris ko mga surat iran kadandan o mga Bangsa mi ko piyaginge-dingedan sa donya.

Aya mapipikir aken a mapiya a kapaka okit o bandingan a phamaka tondog na maka okit sa kapama gomana sa katao, kenal ago sima sa maka zosompata tano sa katao. Giya iden i kiya paka tokawa ko ko mga Bangsa tano a maka ogop siran ko bandingan a khipayag tano sii.

Ipakawit tano ko pagari tano so khiombong tano a pamikiran lalag na pangingilayan sii ko adris iyan : This e-mail address is being protected from spambots. You need JavaScript enabled to view it sa aya mapsambandingan iyan sa khawmaya a pitogawi na so KAPAKA LELEBE O BASA ARAB.

(So banto tano na sii mapapadalem sa Riyadh, KSA a kapapantagan a Executive President ko ompongan a Integrated Mindanao Economic Forum ago Senior Reporter sa Arab News)